काठमाडौँ । भदौ २१ गतेदेखि प्रदर्शनमा आउने फिल्म ‘रावायण’को टिजर सार्वजनिक भएको छ । शुक्रबार काठमाडौंमा एक कार्यक्रमकाबीच फिल्मको एक्सनप्रधान टिजर सार्वजनिक गरिएको हो ।
फिल्मको अभिनेत्री तथा निर्मात्री पूजा शर्माले अब रोएर फिल्म नचल्नेमा आफू ढुक्क रहेको प्रतिक्रिया दिएकी छन् । पत्रकार सम्मेलनमा उनले भनिन् ‘अब रोएर फिल्म चल्दैन । टिमको राम्रो साथ पाइयो भने मात्र फिल्म चल्ने रहेछ ।’
फिल्मलाई सुदर्शन थापाले निर्देशन गरेका हुन् । सुदर्शन थापा प्रोडक्सन र पूजा शर्मा प्रोडक्सनको संयुक्त ब्यानरमा फिल्म बनेको हो । फिल्मको कार्यकारी निर्माता सुशन पाठक छन् । फिल्ममा अभिनेता पल शाह मुख्य भूमिकामा छन् ।
यस्तै, पूजाका अलावा प्रियंका कार्की, प्रमोद अग्रहरी, प्रकाश शाह, प्रदीप ढकाल, पूर्वमिस नेपाल निकिता चाण्डक लगायतको अभिनय रहेको छ ।
हेर्नुहोस् टिजर:
