काठमाडौँ । युरो कप २०२४ को क्वाटरफाइनलमा फ्रान्स र पोर्चुगल भिड्ने भएका छन् ।
गएराति भएको अन्तिम १६ को खेलमा पोर्चुगलले स्लोभेनियालाई पेनाल्टीमा हराउँदै क्वाटरफाइनलमा स्थान बनाएको थियो भने फ्रान्सले बेल्जियमलाई १–० ले पाखा लगाउँदै अन्तिम आठको टिकट काटेको थियो ।
फ्रान्स र पोर्चुगलबीचको क्वाटरफाइनल खेल आउँदो शुक्रबार नेपाली समयानुसार मध्यरातमा १२ः४५ बजे सुरु हुनेछ ।
दुई टोलीबीच २८ खेल भएका छन् । जसमा १९ खेल फ्रान्सले जितेको छ भने ६ खेलमात्रै पोर्चुगलले जितेको छ । ३ खेल बराबरी भएका छन् ।
