धनगढी । बझाङमा विपद् उद्धार अभ्यासको क्रममा सशस्त्र जवानको मृत्यु भएको छ ।
सोमबार जयपृथ्वीबहादुर नगरपालिका स्थित सेती नदीमा प्राकृतिक विपद् उद्धारसम्बन्धी नमुना अभ्यास गर्ने क्रममा बेहोस भएका सशस्त्र प्रहरी जवान २९ वर्षीय नरेन्द्रसिंह धामीको मृत्यु भएको हो ।
अभ्यास गर्ने क्रममा बेहोस भएका धामीलाई उपचारका लागि जिल्ला अस्पताल पुर्याइएपनि चिकित्सकले मृत घोषणा गरेको थियो ।
सशस्त्र प्रहरीको अनआश्रित गुल्म बझाङमा कार्यरत धामी विपद् व्यवस्थापनमा अनुभवी उद्धारकर्ता रहेका प्रवक्ता कुमार न्यौपानेले बताए ।
सशस्त्र प्रहरी र नेपाली सेनाले संयुक्त रूपमा प्राकृतिक विपद्का बेला उद्धारसम्बन्धी नमुना अभ्यास गराइरहेको छ ।
