एजेन्सी । आईपीएल २०२४ को एलिमिनेटरमा राजस्थान रोयल्सले रोयल च्यालेन्जर्स बैंगलोरलाई पराजित गर्यो । अहमदाबादको नरेन्द्र मोदी स्टेडियममा भएको खेलमा सञ्जु सामसनको कप्तानीमा रहेको राजस्थानले बैंगलोरलाई ४ विकेटले पराजित गरेको हो ।
यो जितसँगै राजस्थानले फाइनलतर्फ अर्को कदम अगाडि बढाएको छ । राजस्थानको जितपछि सञ्जुले आफ्नो ‘बिरामी’ टोलीले कसरी आरसीबीलाई हराएको बताए ।
खेलपछि सञ्जु सामसनले आफ्नो टिम पूर्ण रुपमा ठिक नभएको बताए । ड्रेसिङ रुममा केही समस्या रहेको उनले बताए । त्यहाँ खोकी छ र धेरै मानिसहरू अस्वस्थ छन् । उनले थप भने ‘अब हामीसँग यात्रा र आराम गर्ने दिन छ । अर्को खेलको लागि उत्साहित छौँ ।’
एलिमिनेटरमा आरसीबीलाई हराएपछि राजस्थानले सनराइजर्स हैदरावादसँग प्रतियोगिताको दोस्रो क्वालिफायर खेल्नेछ, जुन शुक्रबार मे २४ मा खेलिनेछ ।
हैदराबाद र राजस्थानबीचको दोस्रो क्वालिफायर चेन्नईको एमए चिदम्बरम स्टेडियममा हुनेछ । राजस्थान र चेन्नईबीचको खेलमा जित्ने टोलीले आइतबार मे २६ मा कोलकाता नाइट राइडर्ससँग फाइनल खेल्नेछ ।
