एजेन्सी । संसारमा यस्तो अनौठो कीर्तिमान बनेको छ, जसको भिडियो बाहिर आएपछि मानिसहरूले सोच्न थाले कि यस्तो कामका लागि पनि रेकर्ड बन्छ । घानाका एक २९ वर्षीय विद्यार्थीले अचम्मको रेकर्ड राखे ।
घानाका २९ वर्षीय विद्यार्थी अबुबकर ताहिरुले एक घण्टामा यति धेरै रुखलाई अँगालो हालेर विश्व कीर्तिमान बनाएका छन् । गिनिज वर्ल्ड रेकर्ड्सले पनि ताहिरुको उपलब्धिको भिडियो साझा गरेको छ, जुन द्रुत रूपमा भाइरल भइरहेको छ, ताहिरुले एक घण्टामा १ हजार १२३ भन्दा बढी रूखहरूलाई अँगालो हालेर नयाँ कीर्तिमान बनाएका छन् ।
गिनिज वर्ल्ड रेकर्ड्सको आधिकारिक इन्स्टाग्राम ह्यान्डलले उल्लेखनीय उपलब्धिको भिडियो साझा गरेको छ । यसमा अबुबकर ताहिरु घना जङ्गलबाट दौडिरहेको र विभिन्न सङ्ख्याका रूखहरूलाई द्रुत रुपमा अँगालो हालेको देखाउँछ । भिडियोलाई अहिलेसम्म लाखौंले हेरिसकेका छन् ।
गिनिज वल्र्ड रेकर्डको आधिकारिक वेबसाइटका अनुसार घानाका २९ वर्षीय पर्यावरण कार्यकर्ता र वन विज्ञानका विद्यार्थी अबुबकर ताहिरुले एक मिनेटमा १९ वटा रुखलाई अँगालो हालेका थिए ।
