काठमाडौं । पूर्वराजा ज्ञानेन्द्र शाहले आज ललितपुरका विभिन्न मन्दिरको दर्शन गर्नु हुने भएको छ ।
पूर्वराजा ज्ञानेन्द्रले बंगलामुखी माई, हिरण्यवर्ण महाबिहार र कृष्ण मन्दिरमा पूजा अर्चना गर्ने कार्यक्रम छ । आज अपराह्न ४ बजे बंगलामुखी माईको पूजा अर्चनासँगै उहाँको धार्मिक यात्रा सुरु हुने छ । त्यसलगत्तै साढे ४ बजे हिरण्यवर्ण महाविहारमा पूजा अर्चना गर्ने कार्यक्रम छ ।
पूर्वराजा शाह साँझ सवा ५ बजे कृष्ण मन्दिरमा पुग्नुहुने छ । उहाँले कृष्ण मन्दिरमा पूजा आराधना गरेपछि समय रहेमा कुमारीको समेत दर्शन गर्ने कार्यक्रम छ ।
