एजेन्सी । रोयल च्यालेन्जर्स बेंगलुरु प्लेअफको दौडमा छ । टोलीले पछिल्ला ५ खेलमा लगातार जित निकाल्दै उत्कृष्ट प्रदर्शन गरेको छ । आरसीबीले अन्तिम लिग खेल चेन्नई सुपर किंग्ससँग खेल्नेछ। चेन्नईलाई हराएर बेंगलुरुको टोलीले लगभग प्लेअफमा पुग्ने छ । एकातिर, फ्यानहरू बेंगलुरु प्लेअफमा पुग्ने आशा गरिरहेका छन्, तर अर्कोतर्फ, सबै विशेषज्ञहरू बेंगलुरुको विरुद्धमा छन्।
यस्तो अवस्थामा आरसीबी टोलीले प्लेअफमा पुगेपछि सबै क्रिकेट विज्ञहरूलाई उचित जवाफ दिने हो कि भन्ने प्रश्न उठिरहेको छ । अब आरसीबीले टप–४ मा स्थान बनाउन सफल हुन्छ कि गर्दैन त्यो हेर्नु रोचक हुनेछ ।
आईपीएल २०२४ को समयमा धेरै पूर्व दिग्गज खेलाडी र क्रिकेट विशेषज्ञहरूले प्लेअफमा पुग्ने चार टोलीहरू चयन गरिसकेका छन् । कोलकाता नाइट राइडर्स र राजस्थान रोयल्स प्लेअफमा पुगिसकेका छन् ।
पूर्व भारतीय अलराउन्डर इरफान पठान, पूर्व ब्याट्सम्यान अम्बाती राडु, मोहम्मद कैफ र अष्ट्रेलियाका पूर्व ब्याट्सम्यान म्याथ्यू हेडन ले प्लेअफमा पुग्ने बाँकि दुई टोलीमा बेंगलुरुको नाम लिएका छैनन् । उनीहरुले चेन्नई सुपर किंग्स र सनराइजर्स हैदरावादलाई छनोट गरेका छन् । तर, रोयल च्यालेन्जर्स बैंग्लोरसँग छनोट हुने सम्भावना अझै छ ।
बेंगलुरुले हारसंग सिजनको सुरु गरेको थियो। टोली प्रतियोगिताको पहिलो खेलमा चेन्नई सुपर किंग्ससँग पराजित भएको थियो । यसपछि अर्को खेलमा पञ्जाब किंग्सलाई पराजित गरेको थियो । तर यसपछि टोलीले खराब प्रदर्शन गर्दै ६ खेलमा लगातार हार बेहोरेको थियो । ६ हारपछि आरसीबीले शानदार पुनरागमन गर्दै अर्को पाँच खेल लगातार जितेर प्लेअफको दौडमा आफूलाई कायम राख्यो। पछिल्लो पाँच खेलमा बेंगलुरुले सनराइजर्स हैदरावाद, पञ्जाब किंग्स, दिल्ली क्यापिटल्स र गुजरात टाइटन्सलाई दुई–दुई पटक पराजित गरेको थियो ।
अब आरसीबीले अन्तिम लिग खेल चेन्नई सुपर किंग्ससँग खेल्नेछ। चेन्नईलाई हराए बेंगलुरु प्लेअफमा पुग्ने सम्भावना बढि रहेको छ ।
