काठमाडौँ । रियल मड्रिड च्याम्पियन्स लिगको फाइनलमा प्रवेश गरेको छ । सेमिफाइनल अन्तर्गत दोस्रो लेगमा बायर्न म्युनिखलाई २–१ गोलले हराउँदै समग्रमा ४–३ को नतिजासहित रियलले फाइनलको टिकट काटेको हो ।
यसअघि बायर्नको घरेलु मैदानमा भएको पहिलो लेग २–२ गोलको बराबरीमा सकिएको थियो ।
घरेलु मैदान सान्टियागो बर्नबेउमा रियललाई जित दिलाउन वैकल्पिक खेलाडीका रुपमा अन्तिमतिर मैदान प्रवेश गरेका होसेलुले दुबै गोल गरे । उनले ८८ औं र ९०+१ औं मिनेटमा गोल गरेका हुन् ।
खेलको ६८ औं मिनेटमा अल्फान्सो डेभिसको गोलबाट अग्रता लिएको बायर्नले अग्रता जोगाउन नसक्दा हार ब्यहोर्नुपर्यो ।
रियलले अब उपाधिका लागि बोरुसिया डर्टमण्डसँग प्रतिस्पर्धा गर्नेछ । फाइनल खेल जुन २ मा लण्डनको वेम्बली स्टेडियममा हुनेछ ।
