एजेन्सी । चेन्नई सुपर किंग्स (सिएसके) का पूर्व कप्तान महेन्द्र सिंह धोनी पञ्जाब किंग्स विरुद्धको खेलमा नवौं नम्बरमा ब्याटिङ गर्न आएका थिए । टी–२० करियरमा माही यति तल ब्याटिङ गर्न आएको यो पहिलो पटक हो ।
धोनी यस खेलमा खाता नखोल्दै आउट भएका थिए र उनलाई पञ्जाबका फास्ट बलर हर्षल पटेलले बोल्ड गरेका थिए । यसबारे पूर्व अलराउन्डर इरफान पठानले आफ्नो धारणा राख्दै धोनीले जिम्मेवारी लिनुपर्ने र शीर्ष क्रममा ब्याटिङ गर्न आउनु पर्ने बताए ।
पठानले एक खेलकुद च्यानलमा भने, ‘धोनीले नौ नम्बरमा ब्याटिङ गर्न आएकाले सीएसकेलाई फाइदा गर्दैन । मलाई थाहा छ उनी ४४ वर्षको छन् , तर राम्रो फर्ममा छन् । उनले जिम्मेवारी लिनुपर्छ र माथिल्लो तहमा पुग्नुपर्छ । धोनीले कम्तिमा चार–पाँच ओभर ब्याटिङ गर्नुपर्छ । उनी अन्तिम वा अन्तिम दुई ओभरमा ब्याटिङ गर्न आउँदै छन् जुन चेन्नईका लागि लामो समयसम्म फाइदाजनक हुने छैन ।’
धोनीले आईपीएल २०२४ को चालू सिजनमा ब्याटले राम्रो प्रदर्शन गरेका छन् । उनले सात इनिङ्समा २२४.४९ को स्ट्राइक रेट र ५५ को औसतमा ११० रन बनाएका छन् ।
