एजेन्सी । टी–२० विश्वकपका लागि आज भारतीय टोलीको घोषणा गरिएको छ । बीसीसीआईले १५ खेलाडीको नाम अनुमोदन गरेको छ । केकेआरका विस्फोटक ब्याट्सम्यान रिंकु सिंह उत्कृष्ट फर्ममा छन् तर उनलाई मुख्य टोलीमा स्थान दिइएको छैन ।
उनलाई रिजर्भ खेलाडीको रुपमा टिममा राखिएको छ । मुख्य टोलीमा नपरेकोमा रिंकुका फ्यान निकै दुखी छन् ।
भारतीय पूर्व अलराउन्डर इरफान पठानले रिंकुलाई मुख्य टोलीमा समावेश नगरेकोमा चिन्ता व्यक्त गरेका छन् । उनले यो टोलीमा रिंकु सिंह हुनुपर्ने बताए । पठानले ट्विट गर्दै टिम छनोट गर्दा रिंकु सिंहको विगतको प्रदर्शनलाई ध्यानमा राख्नुपर्ने बताए ।
उनले एक्स (ट्वीटर)मा लेखेका छन्, ‘मलाई लाग्छ रिंकु सिंहको टीम इन्डियाका लागि हालैको प्रदर्शनलाई नजरअन्दाज गर्नु हुँदैनथ्यो ।’
टी–२० विश्वकप २०२४ का लागि भारतीय टोलीः रोहित शर्मा (कप्तान), हार्दिक पाण्ड्या (उपकप्तान), यशस्वी जैसवाल, विराट कोहली, सूर्यकुमार यादव, ऋषभ पन्त, सञ्जु सामसन, शिवम दुबे, रविन्द्र जडेजा, अक्षर पटेल, कुलदीप यादव, युजवेन्द्र चहल, अर्शदीप सिंह, जसप्रित बुमराह, मोहम्मद सिराज ।
रिजर्भ खेलाडीहरू – शुभमन गिल, खलील अहमद, रिंकु सिंह, आवेश खान ।
