एजेन्सी । आईपीएलको १७ औँ सिजनको ४७ औं खेलमा आज कोलकाता नाइट राइडर्सले दिल्ली क्यापिटल्सको सामना गर्दैछ । कोलकाता इडेन गार्डेनमा हुनलागेको खेल नेपाली समयअनुसार बेलुकाको ७:३० बजेदेखि सुरु हुनेछ ।
दुवै टोली यो सिजन दोस्रो पटक भिड्दैछन् । पछिल्लो खेलमा कोलकाता १०६ रनले विजयी भएको थियो ।
आज कोलकाताले सिजनमा ९औं खेल खेल्दैछ । अन्तिम ८ मध्ये ५ जित र ३ हारसँगै १० अंक जोडेको टोली अंक तालिकाको दोस्रो स्थानमा छ । अर्कोतर्फ, दिल्लीले आज आफ्नो ११ औं खेल खेल्दैछ। टोलीले १० मध्ये ५ खेल जितेको छ भने ५ खेलमा हार बेहोरेको छ । टोली १० अंकसहित तालिकाको पाँचौं नम्बरमा छ।
हेड टु हेडमा कोलकाता अगाडि
कोलकाताले दिल्लीलाई हेड टु हेडमा हावी गरेको छ । यी दुई टोलीबीच अहिलेसम्म कुल ३३ वटा आईपीएल खेल भएका छन् । जसमा कोलकाताले १७ खेल जितेको छ भने दिल्लीले १५ खेल हात पारेको छ । एक खेलको नतिजा आउन सकेको छैन ।
कोलकाता सुनिल नारायण उत्कृष्ट खेलाडि
कोलकाताका अलराउन्डर सुनिल नारायण टोलीका सर्वाधिक रन बनाउने र विकेट लिने दुवै खेलाडी हुन्। उनले ३५७ रन बनाएका छन् भने १० विकेट लिएका छन् ।
दिल्लीका लागि पन्तले सर्वाधिक रन बनाए
दिल्लीका लागि कप्तान ऋषभ पन्तले सर्वाधिक रन बनाएका छन् । उनले १० खेलमा ३ सय ७१ रन बनाएका छन् । बलरमध्ये मुकेश कुमारको नाममा ७ खेलमा १३ विकेट छन् ।
कोलकाता नाइट राइडर्सको सम्भावित प्लेईङ ११:
श्रेयस अय्यर (कप्तान), फिल साल्ट (विकेटकीपर), सुनील नारायण, अङ्क्रिश रघुवंशी, भेंकटेश अय्यर, रिंकु सिंह, आन्द्रे रसेल, रमनदीप सिंह, दुष्मन्थ चमेरा, वरुण चक्रवर्ती र हर्षित राना।
ईम्प्याक्ट खेलाडी: अनुकुल रोय।
दिल्ली क्यापिटल्सको सम्भावित प्लेईङ ११:
ऋषभ पन्त (विकेटकीपर र कप्तान), ज्याक फ्रेजर(मगार्च, कुमार कुशाग्रा, शाई होप, ट्रिस्टन स्टब्स, अभिषेक पोरेल, अक्षर पटेल, कुलदीप यादव, लिजाद विलियम्स, मुकेश कुमार र खलील अहमद।
ईम्प्याक्ट खेलाडी: रसिक सलाम।
