काठमाडौँ । इंग्लिस प्रिमियर लिग फुटबलको उपाधि होडमा लिभरपुललाई धक्का लागेको छ । भर्खरै सम्पन्न खेलमा उसले वेस्टहाम युनाइटेडसँग अंक बाँड्यो ।
वेस्टहामको घरेलु मैदान लण्डन स्टेडियममा दुबै टोलीले २–२ गोलको बराबरी खेलेका हुन् । खेलको ४३ औं मिनेटमा जोरोर्ड बोइनले गोल गर्दै वेस्टहामलाई सुरुवाती अग्रता दिलाएका थिए ।
४८ औं मिनेटमा एन्ड्रीउ रोबर्टसनले गोल गर्दै लिभरपुललाई १–१ को बराबरी गोल फर्काए । त्यसपछि ६५ औं मिनेटमा एस्टन भिल्लाका गोलकिपर अल्फेन्सो एरोइलाले आत्मघाती गोल गर्दा लिभरपुल २–१ ले अघि बढ्यो ।
कोडी गाक्पोले प्रहार गरेको बल वेस्टहामका डिफेन्डरलाई लाग्दै एरोलालाई छोएर गोल हुन पुगेको थियो ।
७७ औं मिनेटमा माइकल एन्टोनिओले हेडरमार्फत सुन्दर गोल गर्दै वेस्टहामलाई २–२ को बराबरीमा ल्याएर हारबाट जोगाए ।
बराबरीसँगै लिभरपुल ३५ खेलबाट ७५ अंकका साथ तालिकाको तेस्रो स्थानमा छ । आर्सनल ३४ खेलबाट ७७ अंकसहित शीर्षस्थानमा रहँदा ३३ खेल खेलेको म्यान्चेस्टर सिटी ७६ अंकसहित दोस्रो स्थानमा छ ।
