म्याड्रिड । रियल मड्रिड स्पेनी ला लिगामा शनिबार लेभान्टेसँग पराजित भएको छ । दस खेलाडीमा सीमित मड्रिड लेभान्टेसँग २–१ ले पराजित भएको हो । खेलको नवौं मिनेटमा रियलले डिफेन्डर एडर मिलिटाओलाई गुमाए पनि मार्को एसेनसोको गोलमा अग्रता लिएको थियो ।
तर लेभान्टेका लागि जोसे लुइसले बराबरी गोल गरे भने रोजर मार्टीले खेल सकिन १२ मिनेट अगाडि निर्णायक गोल गरे । रियल २० खेलबाट ४० अंकसहित दोस्रो स्थानमा छ । एटलेटिको म्याड्रिड १८ खेलबाट ४७ अंकसहित शीर्ष स्थानमा छ ।
शनिबारकै अर्को खेलमा सेभियाले आइबरलाई २–० ले हराई तेस्रो स्थानमा उक्लियो । उसको २० खेलबाट ३९ अंक छ । यस्तै भ्यालेन्सियाले एल्चेलाई १–० ले हरायो भने भिल्लारियल र रियल सोसिडाडले १–१ को बराबरी खेले ।
