काठमाडौं । नेकपा नेत्री रामकुमारी झाँक्रीले राष्ट्रपति विद्यादेवी भण्डारीमाथि लगाएको आक्षेपको यतिबेला सामाजिक सञ्जालमा खुब ठूलो चर्चा चलेको छ । उनले राष्ट्रपति भण्डारीलाई कुनै निर्वाचन क्षेत्रबाट चुनाव लड्न या बालकोटमा डेरा सर्न भनेकि थिइन् । यस विषयको उनको यो प्रतिक्रियाको निकै आलोचना पनि भएको थियो ।

यसै विषयमा राष्ट्रपति भण्डारीकी छोरी उषा किरण भण्डारीले आफ्नो फेसबुक स्टाटसमा यस्तो लेखेकी छिन्ः

''मेरो mummy ले मलाई बोलाउनु भयो अनि भन्नुभयो – सबै leadership मा रहेका महिलाहरूलाई घिनलाग्दो आक्षेप लगाउँछन् – पहिलेको समयमा इन्दिरा गाँधीदेखि अन्तरराष्ट्रिय जगतको कुरा गर्दा एँगेला मर्केलको उदाहरण दिनुभयो । आमाको मन हो- आफ्नो घाउ देखाउनु भएन, छोरीहरूमाथि यस्तो घटनाक्रमले पारेको आहतमा मलम लगाउन र हिम्मत दिन कोशिश गर्नुभयो।

मेरो momi को बारेमा तथानाम भन्न थालेको लगभग २०५२/५३ देखि हो – यो शुरू गर्ने पत्रकार अहिले retired वरिष्ठ पत्रकार र ठूलो नागरिक अगुवा भइसके। उनीहरूका नयाँ र neo अवतार अहिले छन् । म त्योबेला ११ वर्ष जति थिएँ, mom ले phone मा भन्नुहुँदै थियो – “म किन अभियानमा ननिसकिनु !? किन घरमा लुक्नु !? उनीहरुले यही चाहेर यो सब गर्दैछन् – म भाग्दिनँ ।” मलाई त्योदिन देखि नै हिम्मत प्राप्त भयो । mom ले हामीलाई आफ्नो साहस र दृदताबाट शिक्षित गर्नु भएको छ।

१. महिना अघि मैले यहीं ( facebook मा) भनेको थिएँ – अदृश्य cyber bully बाट अब सडकमा नारा लाउन शुरु भयो – हामीले आवाज बुलन्द नगरे यस्तो crime ले झन ठुलो रूप लिन्छ – एक महिना नबित्दै त्यही भयो।

यहाँ रामकुमारी झांक्रीलाई आफ्नो युवा नेता मान्नेले झांक्रीलाई सुनाइदिनु

१) गल्ती सेतो सारीमा होइन गल्ती दृष्टिकोणमा छ

२) गलत चुनाव लडाउनु होइन, उहाँमाथि त्यसबेलाका शीर्ष नेताले गरेको व्यवहार र बोलीमा थियो – अहिले उहाँ तपाईंको शीर्ष नेता हुनुहुन्छ – सोध्नुहोस गएर !

३) तपाईं communist schooling को हो भने – सांस्कृतिक आन्दोलन कति पेचिलो हुन्छ बुझ्नु पर्ने – मेरो mom एउटा अकल्पनीय घटना सामना गर्दै हुनुहुन्थ्यो – तपाईं सेतो सारीको कुरा गर्नु हुन्छ – हाम्रो घरमा सेतो तन्ना, सेतो सोफा सेतै भित्ता थिए – उहाँले daddy लाई मनपर्ने खाना/ अचार बनाउन छोडनु भयो- उहाँका स-साना छोरीहरू हामीले प्रश्न उठाएनौ, तपाईं उहाँको सारीमा प्रश्न उठाउने को हो !? हामी ९/१० वर्षको ले बुझ्यौ उहाँ tragedy संग cope गर्ने कोशिशमा यो सब गर्दै हुनुहुन्थ्यो । तपाईं महिला, ठूलो मान्छे भएर यति बुझनु भएन !!? तपाईंलाई अर्को कुरा भन्छु, दसैंमा टिका ग्रहण पनि राष्ट्रपति भएपछि बाध्यात्मक अवस्था भएर लाऊनु भयो । राष्ट्र प्रमुखको निधार खाली हुनुहुँदैन भन्ने मान्यताले गर्दा  उहाँको बूढ़ी आमाले उहाँलाई प्रश्न गर्नु भएन जमरा मात्रै हातमा दिँदा- तपाईं भीड जम्मा गरेर किन सांस्कृतिक क्रान्ति नगरेको भनेर प्रश्न गर्ने को हो !? Tragedy cope गर्ने हरेकको आफ्नो आफ्नो बाटो हुन्छ । जुन बाटो स्वयम् त्यो व्यक्तिले पनि voluntarily रोज़ेको होइन। हरेक कुरा नाफा र नोक्सानमा तुलना गर्न सकिँदैन। यदि तपाईंलाई लाग्छ आफ्नो माया आफ्नो जीवनसाथी भन्दा माथि career महत्वकांक्षा हो भने- ठाउँ साटौं । तपाईं उहाँको सिन्दूर पोते रातो सारी, हाम्रो daddy, हाम्रो बाल्यकाल फिर्ता ल्याइदिनुस् अनि तपाईंलाई हामीसँग त्यस्तो नाफा भएको के छ जस्तो लाग्छ । लिएर जानुस् झांक्रीलाई नेता मान्ने र सम्पर्कमा भएको ले यो छोरीको प्रश्न सुनाइदिनु ।'' 

तीन दिन अघि गोरखामा आयोजित एक विरोध कार्यक्रममा राष्ट्रपति विद्यादेवी भण्डारीप्रति कटाक्ष गर्दे अभिव्यक्ति दिनु भएको थियो । झाँक्रीले भन्नुभएको थियो – राष्ट्रपतिको कुरा त के गर्नु ? बडामहारानीले त अस्ति चुनाव हुन्छ भन्नु भएछ । बडामहारानीलाई म गोरखाबाट यो सन्देश दिन चाहन्छु – निर्वाचनको लागि कारगेड छाडेर सुखसुविधा, ऐस आराम छाडेर, शीतल निवास छाडेर पहिला काेटेश्वरमा आउनुहोस् । चाबहिल कि बानेश्वर कतातिर बसाई छ भन्ने सुनेको छु । होइन भने बालकोटतिर गए पनि हुन्छ । नेपालको कुन जिल्लाबाट चुनाव लड्ने हो त्यसको तयारी गरेर सन्देश पठाउनुहोस् तपाइसँग म पनि अलि भारी हुन्छु होला यही रेखा लोप्चनलाई चुनाब लडाउछु र हराउँछु । राष्ट्रपति भण्डारी बिरुद्ध दिएको अभिव्यक्ति यतिबेला विवादको विषय बनेको छ ।