भोजपुर । धरानबाट भोजपुर जाँदै गरेको जीप उदयपुरमा जीप दुर्घटना भएको छ ।
धरानबाट भोजपुरका लागि छुटेको को १ ज २५९३ नम्बरको जीप उदयपुरको मैनामैनीमा मा दुर्घटना हुँदा ५ जनाको मृत्यु भएको छ ।
जीपका चालक मानबहादुर बस्नेत र बाँकी ४ यात्रुको मृत्यु भएको बताइएको छ । चालकबाहेक अन्य मृतकको सनाखत भइसकेको छैन ।
जीपमा १४ जना सवार रहेको जिल्ला प्रहरी कार्यालय भोजपुरका डीएसपी सुदीपराज पाठकले जानकारी दिए । घटनास्थलमा उद्धार कार्य जारी रहेको र घाइतेलाई थप उपचारका लागि धरान लैजाने तयारी भइरहेको उनले बताए ।
दुर्घटनाबारे थप विवरण आउन बाँकी रहेको छ ।
