काठमाडौँ । संसद् भवन नयाँ बानेश्वरमा बसेको एमाले, माओवादी र एकीकृत समाजवादीको बैठकमा लिखित सहमति भएको छ ।
राष्ट्रियसभा अध्यक्ष निर्वाचनको विषयमा शीर्ष नेताहरूको बैठकमा लिखित सहमति भएको प्रधानमन्त्रीको स्वकीय सचिव रमेश मल्लले जानकारी दिए । बैठकमा गठबन्धनका उम्मेदवारलाई विजयी गराउन आफ्ना सांसदहरूलाई निर्देशन दिइएको उनले बताए । यसअघि चार
यस्तै, चार दलबिच भएको ८ बुँदे सहमतिमा पनि एकीकृत समाजवादीले हस्ताक्षर गरेको उनले बताए । ‘अब कुनै समस्या छैन । यसअघि चार दलबिच ८ बुँदेमा हस्ताक्षर भएको थियो । अब पाँच दल भएको छ । सहमतिमा हस्ताक्षर भएको छ ।’, मल्लले बताए ।
आज हुने राष्ट्रियसभा अध्यक्ष निर्वाचनमा पनि नेकपा एसले आफ्ना सांसदहरूलाई मतदान गर्न निर्देशन दिएको छ। यसअघि, एकीकृत समाजवादीका सांसदहरूले लिखित सहमतिबिना प्रधानमन्त्रीलाई विश्वासको मत नदिने अडान लिएका थिए ।
