झापा । व्यवसायी दुर्गा प्रसाईले केही थान सिटामोल बाँडेर राज्यलाई गाली नगर्न प्राध्यापक डाक्टर गोविन्द केसीलाई चेतावनी दिएका छन्। मंगलबार पूर्वाञ्चल क्यान्सर अस्पतालको उद्घाटनका क्रममा सम्बोधन गर्दै प्रसाले सिटामोल बाँडेर गाली गर्दैमा राज्यप्रति हाम्रो दायित्व पूरा हुने नहुने बताएका हुन् ।
'सरकारी हण्डी खाएर केही झोला औषधि बोकेर सिटामोल बाँड्दैमा राज्यलाई धम्की दिएर हुँदैछ', उनले भने, 'यसरी सिटामोल बाँडेर गाली गर्दैमा मात्रै राज्यप्रति हाम्रो दायित्व पूरा हुने छैन'
नेपालमा गतिलो क्यान्सर अस्पताल नभएकोमा उनले दुस्ख लागेको बताए। 'दुस्ख र पीडाबोध त मलाई तब भयो जब क्यान्सरको गतिलो अस्पताल छैन।'
दिल्लीदेखि सिंगापुरसम्म पुगेर दक्षिण एसियाकै उत्कृष्ट अस्पताल बनाउन सकौँ भनेको थिएँ। त्यही सपना र संकल्पको परिणाम आज यो अस्पताल आएको छु, उनले भने, 'करिब ६ सय करोडको लगानीमा क्यान्सर अस्पताल उद्घाटन हुँदैछ। क्यान्सरको उपचारका लागि कसैले विदेश धाउनुपर्ने छैन। आमजनताको चिन्ता स्वभाविक र गुनासो जायज छ। साधारण रुघाखोकी र ज्वरो आउँदा पनि नेताहरु विदेश धाउने गुनासो अब हुने छैन।'
