काठमाडौं । नेपालका यू–१९ क्रिकेट टिमका ओपनर अर्जुन कुमाललाई आईसीसीले कारबाही गरेको छ । आईसीसी यू–१९ विश्वकप अन्तर्गत बंगलादेशविरुद्धको खेलमा आइसीसीको नियम उल्लंघन गरेको भन्दै अर्जुन कारबाहीमा परेका हुन् ।
बंगलादेशविरुद्धको खेलको छैठौं ओभरमा कुमाल रन लिने क्रममा बंगलादेशका बलर मारुफ मृधालाई कुहिनोले हानेको कारण उनलाई कारबाही गरिएको हो ।
आईसीसीको आचार संहिता २.१२ उल्लंघन गरेका आइसीसीले बताएको छ । आईसीसीले अर्जुनलाई ३ डेमेरिट प्वाइन्ट दिएको छ । अर्जुनको कारबाही २४ महिनासम्म रहनेछ ।
अर्जुनलले यो गल्ति पुनः दोहोराएमा उनको ४ भन्दा धेरै डेमेरिट प्वाइन्ट हुनेछ । जसले उनलाई दुई खेलको प्रतिबन्ध गर्नेछ ।
आईसीसी विश्वकप अन्तर्गत नेपालले आफ्नो अन्तिम खेलमा भारतसँग प्रतिस्पर्धा गरिरहेको छ ।
