एजेन्सी । भारतको गणतन्त्र दिवसको अवसरमा अयोध्यामा राम मन्दिर र प्रशासनविरुद्ध अभद्र टिप्पणी गर्ने ६ जनालाई प्रहरीले मुद्दा दर्ता गरी पक्राउ गरेको छ ।
गणतन्त्र दिवसको अवसरमा जनसत्ता राष्ट्रिय एकता पार्टीका कार्यकर्ताले राम मन्दिर र प्रशासनविरुद्ध अभद्र टिप्पणी गरिरहेका थिए । त्यसैबखत प्रहरी पुगेपछि उनीहरुले एकजना प्रहरीमाथि पनि आक्रमण गरेका थिए ।
प्रहरीले यस घटनामा पार्टीका ६ कार्यकर्तालाई पक्राउ गरेको छ । प्रहरीले आरोपीको स्कर्पियो, वागनआर र अर्को कार पनि नियन्त्रणमा लिएको छ । यस सम्बन्धमा प्रहरीले अहिले थप कारबाही गरिरहेको छ ।
यस्तो थियो घटना
यो सम्पूर्ण मामिला बाराबंकी जिल्लाको नगर कोतवाली क्षेत्रको हो । यहाँ शुक्रबार जनवरी २६ मा जनसत्ता राष्ट्रवादी एकता पार्टीका करिब ५० कार्यकर्ता लखनउ–अयोध्या राजमार्गमा पुगेका थिए ।
ती सबैले एक दर्जन सवारीसाधनमा पार्टीको झण्डा, हुटर र डीजे बजाएर अयोध्या–लखनउ राजमार्ग अवरुद्ध गरे र राम मन्दिरलाई लिएर अभद्र टिप्पणी गर्न थाले र प्रशासन पतनको नारा लगाए । यस क्रममा उनीहरुले लखनउ–अयोध्या राजमार्गमा करिब एक घण्टासम्म कोलाहल मच्चाएका थिए ।
घटनाको जानकारी पाउनासाथ मोहम्मदपुर चौकीका इन्चार्ज रवीन्द्रकुमार सिंह आफ्नो टोलीसहित घटनास्थल पुगेका थिए । लखनउ अयोध्या राजमार्ग अवरुद्ध हुँदा एम्बुलेन्ससहित धेरै सवारी साधनको लामो जाम भएको प्रहरीले जनाएको छ ।
