काठमाडौँ । जारी प्रधानमन्त्री कप पुरुष क्रिकेट प्रतियोगिता कर्णाली प्रदेशले नेपाल पुलिस क्लबलाई १७२ रनको लक्ष्य दिएको छ ।
टियु क्रिकेट मैदानमा टस जितेर पहिले ब्याटिङ रोजेको कर्णाली ४२.५ ओभरमा १७१ रन बनाउदै अलआउट भयो ।
कर्णालीका लागि ओपनर निश्चल रावलले सर्वाधिक ५० रन बनाए । रबिन्द्र शाहीले ३५ बलमा ८ चौका र १ छक्का सहित ४० रन बनाउदा दिवन पुनले २०, हिमांशु शाहीले ८, प्रकाश जैशीले ५ र बिपिन शाहीले ४ रन थपे ।
पुलिसका लागि सागर ढकालले ३ विकेट लिए । यस्तै ललित भण्डारीले २ विकेट लिदा दिपेन्द्र सिंह ऐरि, ललित राजबंशी र कुशल भुर्तेलले समान १(१ विकेट लिए ।
नेपाल पुलिस क्लब ५ खेलमा अपराजित रहदै १० अंकसहित तालिकाको शीर्ष स्थानमा छ । कर्णाली भने ६ खेलमा ३ जित र ३ हारसहित६ अंक बटुलेर सातौँ स्थानमा छ ।
