काठमाडौं । बागमती प्रदेशका मुख्यमन्त्री डोरमणि पौडेल आइतबार काठमाडौंको एक आकर्षक पर्यटकीय गन्तव्यका रुपमा परिचित चन्द्रागिरि पुग्नुभएको छ ।
उहाँले त्यस अवसरमा चन्द्रागिरि हिल्स लिमिटेडद्वारा त्यहाँ सञ्चालित रिसोर्ट, बाल उद्यानलगायत एकीकृत पर्यटकीय संरचनाका विविध कार्यक्रमहरुको स्थलगत रुपमा निरीक्षण गर्नुभएको चन्द्रागिरि हिल्स लिमिटेडले जनाएको छ ।
मुख्यमन्त्री पौडेललाई चन्द्रागिरि हिल्स लिमिटेडका अध्यक्ष चन्द्रप्रसाद ढकालले उक्त पर्यटकीय केन्द्रमा सञ्चालनमा रहेका विभिन्न पर्यटकीय कार्यक्रमहरुका बारेमा जानकारी गराउनुभएको थियो ।
यो पर्यटकीय केन्द्र स्वदेश तथा विदेशी नागरिक एवं विशिष्ठ व्यक्तित्वहरुको एक आकर्षक गन्तव्यका रुपमा विकसित भइरहेको छ ।
