काठमाडौँं । अभिनेत्री तथा निर्देशक दीपाश्री निरौलाले होली गीत ‘धनियाँ के होली’ सार्वजनिक गरेकी छन् ।
गीतमा दीपालाई र सुमित खड्काले स्वरमा साथ दिएका छन् भने निरज श्रेष्ठको संगीत रहेको छ ।
गीतमा दीपकराज गिरी, दीपाश्री निरौला, केदार प्रसाद घिमिरे, किरण केसी, शिवहरि पौडेल, जयनन्द लामा, रवि डंगोल, अनुराग कुँवर, सुमन गिरीलगायतको अभिनय रहेको छ । उक्त भिडियोलाई दीपाश्रीले नै निर्देशन गरेकी हुन् भने दीप नारायण राजवंशीको शब्द रहेको छ ।
भिडियोमा हरि हुमागाँइको छायाँकन, विपिन मल्लको सम्पादन, शिशिर खातीको कोरियोग्राफी रहेको छ । गीतलाई दर्शकले रुचाउने दीपाले बताएकी छन् ।
