काठमाडौ । गौतम बुद्ध अन्तर्राष्ट्रिय क्रिकेट रंगशाला निर्माणका लागि सिताराम कट्टेल ‘धुर्मुस’को टोलीले सोमबार बिहानबाट मेची महाकाली अभियान सुरु गरेको छ । अभियान टोलीलाई भरतपुर स्थित गौतम बुद्ध अन्तर्राष्ट्रिय क्रिकेट रंगशालाबाट बिदाई गरिएको छ ।
टोली आज कंचनपुर पुग्ने र मंगलबारबाट कंचनपुरदेखी अभियान सुरु हुने कट्टेलले जानकारी दिनुभयो । बिदाई समारोहमा रंगशाला निर्माण स्थलबाट र्मिाणमा सग्लन श्रमिकहरुले आफ्नो आम्दानीको केही हिस्सा रङशाला निर्माण अभियानका लागि प्रदान गरेका थिए ।
श्रम गरेर कमाएको रकम पनि केही अंश रंगशाला निर्माणको लागि प्रदान गरेर दिनुभएको हौसलाले निकै भावुक बनाएको उहाँले जानकारी दिनुभयो । कट्टेलका अनुसार निर्माणधीन रंगशालको पिचमा महाकाली नदि, लुम्बिनी र मेची नदिको माटो ल्याई मिसाईने जानकारी दिनुभयो । कट्टेलले यात्रालाई सफलताको कामना गर्नुहुने सम्पुर्ण सुभेच्छुकहरुमा हार्दिक धन्यवाद साथै आभार व्यक्त गर्नुभएको छ ।
