पेरिस । शनिबार नेदरल्यान्ड्सले लाट्भियालाई २–० ले हराएर फेरि जितको बाटोमा फर्केको छ । टर्कीविरुद्धको पहिलो विश्वकप छनोट खेल गुमाएको डच टिमले लाट्भियाविरुद्ध भने प्रभावशाली प्रदर्शन गर्न सफल रह्यो ।
त्ययसमा स्टेभेन बेरघुइस र लुक डे जोङ गोल गरे । यसै खेलमा फ्रान्सकी स्टेफानी फ्रापोर्ट विश्वकप छनोट खेलाउने पहिलो महिला रेफ्री पनि भएकी छिन् । उनले यसअघि युरोपेली क्लब खेल खेलाइसकेकी छिन् ।
लिभरपुलका डिएगो जोटाको दुई गोलमो पोर्चुगलले अर्को खेलमा सर्बियासँग २–२ को बराबरी खेलेको छ । क्रिस्टियानो रोनाल्डोले इन्ज्युरी समयमा गरेको गोलले भने मान्यता पाएन । अन्य खेलमा क्रोएसियाले साइप्रसलाई १–०, रुले स्लोभेनियालाई २–१ र टर्कीले नर्वेलाई ३–० ले हरायो । चेक गणतन्त्र र बेल्जियमले भने १–१ को बराबरी खेले ।