काठमाडौं । नेकपा एमाले सचिब योगेश भट्टराईले मंसिर ७ गते कुनै पार्टी वा व्यक्तिप्रति लक्षित नभएर सरकारको ध्यानाकर्षण र सरकारसंगका प्रश्नमा केन्द्रित रहेर विशेष कार्यक्रम आयोजना गरिएको गर्न लागिएको जनाउनु भएको छ ।
सोही दिन व्यवसायी दुर्गा प्रसाईले पनि प्रर्दशन गर्न लागेको र एमाले प्रर्दशन प्रसाई केन्द्रित हुन लागेको भन्दै आलोचना भएपछि सचिव भट्टराईले सामाजिक संञ्जालमार्फत स्पष्टिकरण दिनु भएको हो ।
मंसिर ७ गते गतेको कार्यक्रमलाई देशप्रेमी, लोकतन्त्रप्रेमी तथा न्यायप्रेमी नेपालीहरुको साझा कार्यक्रमका रूपमा पनि सचिव भट्टराईले आग्रह गर्नुभएको छ ।
उहाँल लेख्नुभएको छ –
मंसिर ७ का बारेमा यसरी बुझौ
नेपाल राष्ट्र र बहुदलीय लोकतान्त्रिक ब्यवस्थालाई माया गर्ने सबै ब्यक्ति, संस्था तथा राजनीतिक शक्तिहरुलाई नेकपा एमालेले मित्र ठान्दछ ।
नेकपा एमालेको बुझाइमा
१. राष्ट्र र राष्ट्रियतालाई कमजोर बनाउनेहरु नेपालीका शत्रु हुन ।
२. बहुदलीय लोकतान्त्रिक ब्यबस्थामाथि धावा बोल्नेहरु नेपालीका शत्रु हुन ।
३. भ्रष्टाचार, ढिलासुस्ती, अनियमितता, कमिशनखोरी नेपालीका शत्रु हुन ।
४. अराजकता, साम्प्रदायीकता, बिखण्डनबाद नेपालीका शत्रु हुन ।
५. धार्मिक अतिबाद, उग्रवामपन्थी अतिवाद तथा दक्षीणपन्थी अतिवाद नेपालीका शत्रु हुन ।
६. अशिक्षा, गरिबी, अविकास, पछौटेपन, रोग, बेरोजगारी अग्रगतीका चुनैती र नेपालीका शत्रु हुन ।
उपरोक्त मुद्धाहरु सिंगो राष्ट्रका साझा सवाल हुन ।
प्रचण्ड नेतृत्वको वर्तमान गठबन्धन सरकार उपरोक्त बिषयलाई सार्थक संबोधन गर्न र सकारात्मक आशावाद जागृत गर्न असफल भएको छ ।
कतिपयले सरकारको असफलतालाई व्यवस्था र प्रणालीको असफलताका रुपमा चित्रण गरी मूलुकलाई राजनीतिक अस्थिरताको अनन्त चक्रब्यूहमा फसाउन खोजिरहेका छन ।
नेकपा एमाले जसले यो व्यवस्था, प्रणाली र संविधान ल्याउन नेतृत्व गर्यो उसले आजको यो अवस्थाप्रति वेखबर रहन मिल्दैन ।
उपरोक्त सवालमा जनतालाई सुसुचित गर्नु, सिंगो राष्ट्रलाई एकताबद्ध बनाउनु, बलियो नेतृत्व, बलियो पार्टी र बलियो राष्ट्रका
माध्यमबाट आम जनतामा क्रान्तिकारी आशावादको रक्त संचार गर्नु र निष्कर्षमा सम्मृद्ध नेपाल, शुखी नेपालीको राष्ट्रिय
आकांक्षालाई पुरा गर्नु नेकपा एमालेको जिम्मेवारी हो ।
मंसिर ७ गते नेकपा एमाले सम्बद्ध जनसंगठनहरुले संयुक्त रुपमा आह्वान गरेको सडक प्रदर्शन यिनै बिषयमा केन्द्रित रहेको छ । रहने छ ।
कुनै पार्टी वा व्यक्तिप्रति लक्षित नभएर सरकारको ध्यानाकर्षण र सरकारसंगका प्रश्नमा केन्द्रित रहेर मंसिर ७ गते विशेष कार्यक्रम आयोजना गरिएको हो ।
तसर्थ: मंसिर ७ गते गतेको कार्यक्रमलाई देशप्रेमी, लोकतन्त्रप्रेमी तथा न्यायप्रेमी नेपालीहरुको साझा कार्यक्रमका रूपमा बुझ्नु पर्दछ । बुझाउनु पर्दछ ।
