एजेन्सी । आईसीसी विश्वकप २०२३ को दोस्रो सेमिफाइनल खेलमा दक्षिण अफ्रिकाले अष्ट्रेलियाविरुद्ध टस जितेको छ । इडेन गार्डेन कोलकातामा टस जितेर दक्षिण अफ्रिकाका कप्तान टेम्बा बभुमाले पहिला ब्याटिङ गर्ने निर्णय गरेका छन् ।
दक्षिण अफ्रिकाले आज टोलीमा एक परिवर्तन गरेको छ । लुङ्ग्गी एनगिडीको स्थानमा तबरेज शाम्सी खेलेका छन् । उता अष्ट्रेलियाका ग्लेन म्याक्सवेल र मिचेल स्टार्क टोलीमा फर्केका छन् ।
पाँच पटकको विश्वकप च्याम्पियन अस्ट्रेलियाले सुरुवाती दुई खेलमा हारपछी लगातार ७ खेल जित्दै सेमिफाइनलमा स्थान बनाएको थियो। दक्षिण अफ्रिकाले पनि सानदार प्रदर्शनका साथ दोस्रो स्थानमा रहदै सेमिफाइनलमा स्थान बनाएको हो ।
यस खेलको विजेताले फाइनलमा आइतबार भारतसँग खेल्ने छ ।
