एजेन्सी । धर्मशालास्थित हिमाचल प्रदेश क्रिकेट संघ (एचपीसीए)स्टेडियममा इङ्ल्यान्डका ओपनिङ ब्याट्सम्यान डेभिड मलानले बंगलादेशको बलिङ आक्रमणलाई ध्वस्त पारे । मलानले आईसीसी विश्वकप २०२३ को आठौं खेलमा ब्याटले ठूलो सनसनी पैदा गरेका थिए ।
आँधीबेहरी शैलीमा ब्याटिङ गर्दै इंग्ल्याण्डका ब्याट्सम्यानले १०७ बलमा १४० रनको विस्फोटक इनिङ खेले । यो शानदार इनिङबाट मलानले विश्वकपका धेरै ठूला कीर्तिमान पनि तोडेका छन् ।
डेभिड मलान र जोनी बेयरस्टोले बंगलादेशविरुद्ध इंग्ल्याण्डलाई धमाकेदार सुरुवात गरेका थिए । दुवैले पहिलो विकेटका लागि ११५ रनको साझेदारी गरेका थिए । बेयरस्टो पेभिलियन फर्किएपछि मलानले जो रुटसँग शतकीय साझेदारी गर्दै इंग्ल्याण्डको ठूलो स्कोरको जग बसाएका थिए ।
मलान विश्वकपमा इंग्ल्याण्डका लागि शतक प्रहार गर्ने सबैभन्दा पाका ब्याट्सम्यान पनि बनेका छन् । मलानले ३६ वर्षको उमेरमा यो उपलब्धि हासिल गरेका हुन् ।
एकदिवसीय क्रिकेटमा डेभिड मलानले बनाएको यो छैटौं शतक हो । मलानले एकदिवसीय क्रिकेटमा ६ शतक प्रहार गर्न कम्तीमा २३ इनिङ्स खेलेका छन् । यस मामिलामा उनले इमाम उल हक, बाबर आजम र शुभमन गिलजस्ता ब्याट्सम्यानलाई पछाडि छोडेका छन् ।
इमाम उल हकले २७ इनिङ्स खेलेर यो उपलब्धि हासिल गरेका थिए भने बाबरले एकदिवसीयमा ६ शतक प्रहार गर्न ३२ इनिङ्स लिएका थिए ।
