एजेन्सी । टाइगर श्राफ र कृति सेनन लामो समयदेखि ‘गणपतः ए हिरो इज बर्न’ लाई लिएर चर्चामा छन् । फिल्मको नयाँ पोस्टर हालै सेयर गरिएको थियो, जसमा दुवै स्टारको एक्सन र इमोशनले भरिएको लुक देखिएको छ ।
टाइगर श्राफ बक्सिङ म्याचको पहिरनमा देखिएपछि कृतिले पनि आफ्नो एक्सन अवतारले सबैलाई चकित पारिन् । दमदार पोस्टर रिलिज भएपछि निर्माण पक्षले अन्ततः फिल्मको ट्रेलर सार्वजनिक गरेको छ ।
विकास बहलको अर्को एक्शन–ओरिएंटेड फिल्म ‘गणपत’ मा तपाईले धेरै प्रविधिको प्रयोग देख्नुहुनेछ। भिएफएक्सको भरिपूर्ण रूपमा प्रयोग गरिएको छ । ट्रेलरमा तपाईले मेसिन गनबाट सुरु हुने धेरै नयाँ चीजहरू देख्न सक्नुहुन्छ । ग्राफिक्सले एक्शन हलिउड फिल्मको अनुभूति दिइरहेको छ र यसमा निर्माताहरूले पानी जस्तै पैसा खर्च गरेको देखिन्छ ।
ट्रेलरमा टाइगरको शानदार रूपान्तरण देख्न सकिन्छ । साथै, कृति पनि एक्सन मोडमा दर्शकको मन जित्न पूर्ण रुपमा तयार छिन् । यस बाहेक अमिताभ बच्चनको लुक पनि पूरै परिवर्तन भएको देखिन्छ । चलचित्र हलमा रिलिजको तयारीमा छ ।
‘गणपत’ फिल्म अक्टोबर २० मा रिलिज हुँदैछ । सोही दिन दिव्या खोस्लाको फिल्म ‘यारियाँ २’ पनि हलमा प्रवेश गर्दैछ । यसका साथै कृतिकी बहिनी नुपुरको पहिलो फिल्म ‘टाइगर नागेश्वर राव’ पनि यही दिन रिलिज हुँदैछ । यस्तो अवस्थामा फेरि एकपटक बक्स अफिसमा कडा प्रतिस्पर्धा हुने देखिन्छ ।
