एजेन्सी । २१ वर्षीय युवा ब्याट्सम्यानले एबी डिभिलियर्सको विश्व कीर्तिमान तोडेका छन् । जेक फ्रेजरले तुफानी शैलीमा ब्याटिङ गर्दै २९ बलमा शतक बनाए ।
आफ्नो तूफानी इनिङ्समा युवा ब्याट्सम्यानले १० चौका र १३ गगनचुम्बी छक्का प्रहार गरे । अर्थात् फ्रेजरले चौका र छक्कामा मात्रै ११८ रन बनाए ।
फ्रेजरले डिभिलियर्सको सबैभन्दा छिटो शतक बनाउने आठ वर्ष पुरानो कीर्तिमानलाई ध्वस्त पारेका हुन् ।
लिस्ट ए टुर्नामेन्ट मार्स कप खेल्दै जेक फ्रेजरले तस्मानियाविरुद्ध २९ बलमा शतक प्रहार गरेका थिए । फ्रेजरले विस्फोटक ब्याटिङ गर्दै मात्र १८ बलमा अर्धशतक बनाए । यसपछि २१ वर्षीय युवा ब्याट्सम्यानले आफ्नो उच्च फर्मसहित अर्को ११ बलमा शतक बनाए ।
फ्रेजरले एकदिवसीय क्रिकेटमा सबैभन्दा छिटो शतक बनाउने एबी डिभिलियर्सको विश्व कीर्तिमान तोडेका हुन् । डिभिलियर्सले वेस्ट इन्डिजविरुद्ध खेल्दै ३१ बलमा शतक पूरा गरेका थिए ।
अन्तर्राष्ट्रिय क्रिकेटको रन र रेकर्डहरू पनि लिस्ट–ए मा गणना गरिन्छ । यही कारण फ्रेजरको नाममा लिस्ट ए क्रिकेटमा सबैभन्दा छिटो शतक बनाउने कीर्तिमान बन्यो । तर, एकदिवसीय क्रिकेटमा सबैभन्दा छिटो शतक बनाउने कीर्तिमान भने डिभिलियर्सको नाममा रहनेछ ।
