पोखरा । नेकपा एमाले गण्डकी प्रदेशको प्रथम अधिवेशन पोखरामा जारी छ । प्रतिकूल मौसमका कारण उद्घाटन समारोह केही ढिलो गरी सुरु भएको छ ।
पार्टी अध्यक्ष केपी शर्मा ओलीले अधिवेशन उद्घाटन गर्ने कार्यक्रम तय भएपनि प्रतिकूल मौसमका कारण उडान प्रभावित भएपछि कार्यक्रम ढिलो सुरु भएको हो ।
ओली अझै पोखरा पुगेका छैनन् । ढिला भइसकेकाले उद्घाटन ओली आएपछि मात्रै गर्ने गरी कार्यक्रम सुरु गरिएको छ । उद्घाटन नगरिए पनि मन्तव्य राख्ने कार्यक्रम जारी छ । नेताहरुले मन्तव्य दिइरहेका छन् ।
नेकपा एमाले गण्डकी प्रदेशका उपसचिव एवम्, प्रचारप्रचार उपसमिति संयोजक रश्मि आचार्यका अनुसार अध्यक्ष ओली जहाजमा आउने भएकाले प्रतिकूल मौसमका कारण उडान रोकिँदा केही समय ढिलाई हुन पुगेको हो ।
