काठमाडौं । नेकपा एमालेको नेपाल समूहका तीनजना साँसद संस्थापन पक्षसँग छलफलमा जुटेका छन् । सांसद पदबाट राजीनामा नदिने पक्षमा उभिएका घनश्याम भुसाल, योगेश भट्टराई र गोकर्ण विष्ट संस्थापन पक्षका नेता विष्णु पौडेलसँग छलफलमा जुटेका हुन् ।
विश्वासको मत लिने प्रयोजनका लागि संसद बैठक बस्न लागेका बेला प्रभावशाली नेता संवादमा छलफलमा जुटेका हुन् । चारजना नेता बीच सिंहदरबारस्थित एमाले संसदीय दलको कार्यालयमा छलफल चलिरहेको छ ।
स्रोतका अनुसार घनश्याम योगेश र गोकर्ण विष्ट लगायतका सांसदहरु राजीनामाको विपक्षमा उभिएपछि नेपाल पक्ष अनुपस्थित हुने तर राजीनामा नदिने निष्कर्षमा पुगेको थियो । यी नेताहरु आज प्रतिनिधिसभा बैठकमा जाने मनस्थितिमा छन् ।
