काठमाडौ ।कोभीड-१९ महामारीविरुद्ध संयुक्त राज्य अमेरिकाले थप ३२ करोड ४३ लाख बराबरको स्वास्थ्य सामाग्री सहयोग घोषणा गरेको छ ।
अमेरिकी इन्डो–प्यासिफिक कमान्डले नेपालमा अत्यन्तै जरूरी अक्सीजन प्लान्ट, सिलिन्डर, तथा भन्डार ट्यांकहरू उपलब्ध गराउन थप २७ लाख ५० हजार अमेरिकी डलर बराबरको सहयोग घोषणा गरेको छ।सहयोग बारे जानकारी गराउदै नेपाल स्थित अमेरिकी दुताबसले आफनो फेसबुक पेजमा लेखेको छ–
नेपाली जनताहरूको लागि अत्यन्तै कठीन यो समयमा अमेरिका तत्काल आवश्यक सामाग्रीहरूको यथाशक्य उपलब्धता गराउन निरन्तर प्रयत्नरत छ। आज अमेरिकी इन्डो(प्यासिफिक कमान्डले नेपालमा अत्यन्तै जरूरी अक्सीजन प्लान्ट, सिलिन्डर, तथा भन्डार ट्यांकहरू उपलब्ध गराउन थप २७ लाख ५० हजार अमेरिकी डलर बराबरको सहयोग घोषणा गरेको छ।
२०२० को अप्रील यता अमेरिकी इन्डो(प्यासिफिक कमान्डले अन्तरराष्ट्रिय मानवीय विपत्ती सहायता तथा नेपालको लागि नागरिक सहयोग अन्तरगत कोभीड-१९ को उपचार तथा व्यवस्थापनको लागि आवश्यक पिपिइ, आइसोलेशन सेन्टरका सामाग्री, अक्सीजन समबन्धी विभिन्न उपकरण, टेलिमेडिसिन का सामान, हात धुने केन्द्रहरू, तथा अन्य अत्यावश्यक सामान लगायत झन्डै ५८ लाख डलर बराबरको सहयोग उपलब्ध गराइसकेको छ।
यो सँगै नेपालमा युएसएआइडी समेत अमेरिकी सरकारका विभिन्न एजेन्सीहरूले नेपालमा गरेको कोभीड_१९ सम्बन्धी सहयोग झन्डै ५१ मिलियन डलर बराबरको भएको छ।
