काठमाडौं: नेपाली कांग्रेसका सांसद सुनिल शर्मा पक्राउ परेका छन् ।
नेपाल प्रहरीको केन्द्रीय अनुसन्धान ब्यूरो (सिआइबी) को टोलीले उनको निवास गोल्फुटारबाट शर्मालाई पक्राउ गरेको नेपाली कांग्रेसका केन्द्रीय सदस्य अजयबाबु शिवाकोटीले जानकारी दिनुभयो ।
शिवाकोटीले भन्नुभयो, पछिल्लो समय सुन तस्करी प्रकरणमा बोल्दै आउनु भएका कांग्रेसका सांसद शर्मालाई पक्राउ गरेर सरकारले के गर्न खोजेको हो ?
सांसद शर्माले पछिल्लो सुन तस्करी प्रकरण बारे गृह मन्त्री र अर्थमन्त्री तथा उनीहरुका मातहतका निकायको संलग्नता रहेको अभिव्यक्ति दिँदै आउनु भएको थियो ।
उहाँले संसदमा समेत आफ्ना भनाई राख्दै यो प्रकरणको छानबिनका लागि पदबाट हटाउनु पर्ने माग राख्नु भएको थियो ।
