एजेन्सी । इजरायलले हवाई आक्रमण गरेर गाजामा एपी र अल जजिराका कार्यालयहरू भएको एउटा भवन ध्वस्त पारिदिएको छ । प्रेस स्वतन्त्रताको क्षेत्रमा काम गर्ने संस्थाहरूले त्यस विषयमा निन्दा गरेका छन्।
अहिले गाजाको सीमा बन्द रहेको छ र बाहिरबाट अन्य पत्रकारलाई त्यहाँ समाचार सङ्कलन र सम्प्रेषण गर्न जान दिइएको छैन।
हमासको सैन्य गुप्तचर निकाय उक्त भवनमा बसेको हुनाले उक्त कारबाही गरिएको इजरेलको दाबी गरेको छ।
तर एपीका कार्यकारी सम्पादकले त्यो दाबी पुष्टि गर्ने कुनै प्रमाण नभएको भन्दै इजरेलले गरेको आक्रमणबारे छानबिन हुनुपर्ने बताएका छन्।
