एजेन्सी । रुसमा बिद्रोह गरिरहेको निजी सैन्य कम्पनी वागनर ग्रुपले राजधानी मस्कोमा प्रवेश नगर्ने सहमति गरेको छ । रुसका दुई वटा सहर कब्जा गरी मस्कोतर्फ अघि बढेको वजागनरले रक्तपान नहोस भन्ने उद्देश्यले मस्को प्रवेश नगरी फर्केको हो ।
बागनर ग्रुपका प्रमुख येवगेनी प्रिगोजिनले आफ्नो टेलिग्राम च्यानलमा एक अडियो सन्देशमार्फत उनले उक्त जानकारी दिएका छन् । रोसिया २४ न्यूज च्यानलका अनुसार बेलारुसका राष्ट्रपति एलेक्जेन्डर लुकाशेकोले युवगेनी प्रिगोजिनसँग कुराकानी गरेको र प्रिगोजिन आफ्ना लडाकुलाई रोक्न तथा अवस्था बिग्रन नदिनका लागि सहमत भएका हुन् ।
यसैबीच युक्रेनविरुद्ध १६ महिनाअघि सुरु भएको रुसको विशेष सैन्य अभियानले अब निर्णायक मोडमा पुगेको बताइएको छ । युद्ध यतिबेला त्यो अवस्थामा पुगेको छ । जहाँ रुसका राष्ट्रपति भलाद्मिर पुटिनको सत्तामाथि नै चुनौती हुने अवस्था सिर्जना भएको आंशका व्यक्त गरिएको छ ।
रुसी राष्ट्रपति पुटिनले वागनर ग्रुपका प्रमुख येवगेनी प्रिगोजिनमाथि सशस्त्र बिद्रोह गरी रुसलाई धोखा दिएको आरोप लगाएका छन् । रुसका निकै महत्वपूर्ण व्यक्तिमध्येका एक प्रिगोजिनले भने सैन्य बिद्रोह नभइ आफूले न्यायका लागि काम गरिरहेको दाबी गरेका छन् ।
युक्रेनका विरुद्ध रुसको सैन्य अभियानमा प्रिगोजिन तथा उनको निजी सेनाले महत्वपूर्ण भूमिका निर्वाह गरेको छ । यो युद्धका अवधिमा उनको निजी आर्मीका हजारौँ लडाकुहरु रुसका तर्फबाट जमिनबाट गरिने लडाइमा भाग लिएका छन् । जसमध्ये अधिकांशको नियुक्ति रुसका जेलबाट भएको थियो । यद्यपि युक्रेनविरुद्धको युद्धभन्दखा अघि उनको निजी आर्मीले रुसका लागि महत्पूर्ण भूमिका निर्वाह गर्दै आएको थियो ।
युक्रेनका विरुद्ध युद्धका अवधिमा संघर्षको नेतृत्व सम्हालिरहेका सेनाका प्रमुखसँग उनको विवाद नयाँ भने होइन । तर यो विवाद यतिबेला बिद्रोहको रुप लिइरहेको बुझ्न सकिन्छ । पूर्वी युक्रेनको सीमा नजिकै तैनाथ वागनर ग्रुपका लगाकुहरु सीमा पार ष्गरी दक्षिणी रुसको सहर रोस्तोव अन डानमा प्रवेश गरिसकेका छन् । उनीहरुको दाबी अनुसार उनीहरु त्यहाँ रहेका सैन्य स्थलहरुलाई नियन्त्रणमा लिइसकेका छन् ।
