एजेन्सी । अभिनेत्री जरीन खान बलिउडमा स्थापित भइसकेको अभिनेत्री हुन् । आफ्नो फिटनेसलाई लिएर चर्चामा आइरहने उनी खुलेर आफ्ना धारणा व्यक्त गर्छिन् ।
एक अन्तर्वार्ताको क्रममा उनले आफ्नो कास्टिङ काउचको अनुभव सुनाएकी छन् । फिल्मको एक दृश्यको रिहर्सलको बहानामा आफूलाई चुम्बन गर्न खोजिएको उनको आरोप छ ।
जरीन बताउँछिन्, म ती व्यक्तिको नाम लिन चाहन्न, तर एक सीनको रिहर्सलको बहानामा, दोस्रो व्यक्तिले बताए कि तपाईले आफ्नो हिच्किचाहट हटाउनुपर्छ । म त्यस समय नयाँ थिएँ, त्यसकारण मलाई ठिकै लाग्यो । उसले भन्यो, के तपाईलाई थाहा छैन हामी एक चुम्बनको दृश्य लिदैछौ ? मैले भनेँ, नाई म रिहर्सलको रुपमा कुनै पनि चुम्बनको दृश्य गर्दिनँ । जरीनले सन् २०१० मा फिल्म वीरबाट आफ्नो करिअरको सुरुवात गरेकी थिइन् ।
