पोखरा । जनमोर्चाका नेता तथा गण्डकी प्रदेशसभाको सांसद कृष्ण थापाले आफुमाथी गरिएको कारबाही इतिहासकै अनौठो मजाक भएको प्रतिक्रिया दिएका छन्। बिहिवार सांसद पद खारेजी पछि सामाजिक सञ्जालमा प्रतिक्रिय दिँदै थापाले आफूविरुद्धको कदमलाई इतिहासकै अनौठो मजाक भनेका हुन्।
उनले जीवनमा धेरै हार देखेको भन्दै यसपटक पाँच दलको आक्रमणको कारण हार भए पनि फरक नपर्ने बताएका छन्। कांग्रेसको सरकार बनाउन सहयोग नगर्दा आफूविरुद्धको कदमलाई इतिहासकै अनौठो मजाक भनेका हुन्।
गण्डकी प्रदेश संसदीय दलले उनको सांसद पद खारेज गर्न प्रदेशसभा सचिवालयलाई पत्राचार गरेको थियो। आज बसेको प्रदेशसभाको बैठकमा सभामुखले उक्त पत्र पढेर सुनाएसँगै उनको सांसद पद खारेज भएको हो।
