काठमाडौं। जापान सरकारले नेपाललाई कोरोना महामारीविरुद्ध लड्न १६० वटा अक्सिजन कन्सन्ट्रेटर्स हस्तान्तरण गरेको छ।
बिहिबार नेपालका लागि जापानका राजदूत किकुता युताकाले १६० वटा अक्सिजन कन्सन्ट्रेटर्स नेपाली अधिकारीलाई हस्तान्तरण गरेका हुन् ।
राजदूत युताका अनुसार ती अक्सिजन कन्सन्ट्रेटर्स ५८ अस्पताललाई दिइने भएको हो। यी अक्सिजन कन्सन्ट्रेटर्सले सिलिण्डर बिना नै अक्सिजन उत्पादन गर्न सक्ने भएकोले आपत्कालीन अवस्थामा निकै उपयोगी हुने उनले बताए।
