पोखरा । राष्ट्रिय जनमोर्चाका पूर्व सांसद कृष्ण थापाले आफ्नो गाडी फिर्ता गरेका छन् । सांसद पदबाट निस्कासित भएपछि उनले प्रदेश मामिला समिति सभापतिलाई दिदै आएको गाडि शुक्रबार फिर्ता गरेका हुन् ।
उनले प्रदेश सभा सचिवालयमा पुगेर गाडी बुझाएका छन् । ‘हिजै फिर्ता गर्छु भनेको थिएँ, तर मिलेन, आज फिर्ता गरिदिएको छु,’ उनले भने ।
पार्टी निर्णय विपरीत गएको भन्दै महासचिव मनोज भट्टले संसद सचिवालयलाई पत्र उनको पद खारेजको लागी पत्र पठाएका थिए । संसद सचिवालयले उनको सांसद पद खारेज गरिएको पत्र दर्ता गरिसकेको छ ।
उनलाई पार्टी विपरीत काम गरेको भन्दै १ वर्षका लागि साधारण सभाबाट निस्कासित गर्नुका साथै केन्द्रीय कमिटिबाट हटाएर, संसदीय दलको नेताबाट पनि बर्खास्त गरिएको छ ।
गण्डकी प्रदेश सभामा सरकार गठनमा निर्णायक राष्ट्रिय जनमोर्चा अहिले आफैं विभाजित भएको थियो। सांसद कृष्ण थापा मुख्यमन्त्री गुरुङकै पक्षमा उभिएका थिए भने २ सांसद विरुद्धमा । तर सांसद थापाले भने यसअघि नै आफू अदालत जान सक्ने संकेत गरिसकेको छन् ।
