काठमाडौं । त्रिभुवन अन्तर्राष्ट्रिय विमानस्थल बाहिर गोली चलेको छ । विमानस्थलको गेटनजिकै शम्भु मार्गमा लागुऔषध नियन्त्रण ब्यूरोबाट खटिएको टोलीले लागुऔषध कारोबारी एक युवामाथि गोली प्रहार गरेका हुन् ।
लागुऔषध कारोबारमा संलग्न रहेका एक भारतीय युवालाई नियन्त्रणमा लिन खोज्दा उनले बल प्रयोग गरेपछि टोलीले गोली हानिएको बताईएको छ ।
उनको बायाँ खुट्टाको घुँडामुनि गोली लागेको छ । उनको अहिले केएमसी अस्पतालमा उपचार भईरहेको छ । प्रहरीले लागुऔषध कारोबारीको नाम भने खुलाएको छैन ।
