काठमाडौं । प्रधानमन्त्री केपी शर्मा ओलीले आज मन्त्रिपरिषद पुनर्गठन गरेका छन् । नियुक्त भएका मन्त्रीहरुले शीतल निवासमा सपथ ग्रहण गरेका छन् ।
प्रधानमन्त्री ओलीले आफूसँग नै रक्षा, गृह, पर्यटन, सञ्चार, सामान्य प्रशासन, कृषि र उद्योग वाणिज्य तथा आपूर्ति मन्त्रालय राखेका छन् ।
विष्णु पौडेल उपप्रधानसहित अर्थ, रघुवीर महासेठ उपप्रधानसहित परराष्ट्र र राजेन्द्र महतो उपप्रधानसहित शहरी विकास मन्त्री बनेका छन् । यसैगरी वर्तमान मन्त्रिपरिषदमा रहेका भौतिक पूर्वाधारमा बसन्त नेम्वाङ, शिक्षामा कृष्णगोपाल श्रेष्ठ र कानूनमा लीलानाथ श्रेष्ठलाई भने कायमै राखिएको छ ।
स्वास्थ्य मन्त्रीका रुपमा शेरबहादुर तामाङले सपथ लिएका छन् भने जसपाबाट महतोबाहेक ७ जनाले मन्त्री र २ जनाले राज्यमन्त्रीको जिम्मेवारी पाएका छन् ।
