एजेन्सी । आँप फलहरुको पनि राजा हो । आँप मन नपर्ने मानिस कमै हुन्छन् । आँपमा पौष्टिक तत्व पाईने हुनाले यसको नियमित प्रयोग स्वास्थ्यको लागि धेरै नै राम्रो हुन्छ । तर आँपको पातमा हुने गुणको बारेमा तपाईलाई थाहा छ त ? धेरैजसो मानिसलाई आँपको पातमा हुने औषधीय गुणबारे थाहा हुँदैन।
आँपको पातमा भिटामिन ए, बी, सी जस्ता पौष्टिक तत्व गुणहरु प्रचुर मात्रामा पाईन्छ । साथै यसमा फ्लेभोनोइड र फेनोल जस्ता तत्वहरु पाईन्छ । र यसमा एन्टिअक्सिडेन्ट गुण हुन्छ । त्यसैले आँपको पात रोगको उपचारको लागि प्रयोग गर्न सकिन्छ । र यसले मानव शरीरमा राम्रो प्रभाव पार्दछ । यसले निम्न ७ रोगहरु निको पार्छ ।
स्वासप्रश्वास सम्बन्धि समस्या
चिसो लाग्नु, दम, खोकी, र अरु थुप्रै श्वासप्रश्वास सम्बन्धि समस्याहरु हटाउनको लागि आँपको पात लाभदायक हुन्छ । एउटा भाँडोमा पानी हालेर आँपको पात र थोरै महलाई मिसाई उमाल्नुहोस् । यसको प्रयोगबाट खोकी र स्वर सुक्ने समस्याबाट छुट्कारा पाउन सकिन्छ ।
मधुमेह
आँपको पातमा एन्थोक्यानिडिन्स पाईन्छ । जस्ले मधुमेह रोगको पहिलो चरणमा नै निको पार्न मद्धत गर्दछ । यसलाई निको पार्नको लागि निम्न विधि अपनाउन सकिन्छ । आँपको पातको प्रयोग विधि धेरै नै सजिलो छ । सबैभन्दा पहिला यस पातलाई सुकाएर सुख्खा बनाउनुहोस् । त्यसपछि यसलाई स–सानो टुक्रामा काटि पिसेर धुलो बनाउनुहोस् । यसको प्रयोगले मधुमेह रोगलाई पहिलो अवस्थामै निको पार्न मद्धत गर्दछ ।
डाइबेटिक एन्जिओपेथी
रक्तनलीहरुको कुनैपनि रोग – र रेटिनोपेथी – आँखाको रेटिनामा हुने रोग – मधुमेहसँग सम्बिन्धित समस्याहरु हुन् । यसलाई पनि आँपको पातको प्रयोग गरी निको पार्न सकिन्छ । राति सुत्नुअघि एउटा कपमा पानी राख्नुहोस् । त्यसपछि आँपको पातलाई त्यस पानीमा हाली रातभरि त्यसै छोड्नुहोस् । यस पानीलाई छानेर बिहान पिउनुहोस् । यसले तपाइँको मधुमेहसम्बन्धि समस्याहरुबाट छुट्कारा दिलाउँछ ।
छट्पटी
छट्पटीको समस्या उत्सुकताको कारणले हुने गर्दछ । यस्तो अवस्थामा हामीले समस्याको समाधानको उपाय पाउन सकिरहेका हुदैनौं । र यो समस्या झनझन गहिरो हुने गर्दछ । र यस समस्याको समाधानको लागि आँपको पातको पानीले नुहाउन सक्नुहुन्छ । यसले शरीरलाई स्फुर्ति प्रदान गरी छट्पटको समस्यालाई हटाउँदछ ।
रक्तचाप
आँपको पातमा हाइपोटेन्सिभ गुण हुन्छ । जसले रक्तचापलाई घटाउन मद्धत गर्दछ । यस गुणले गर्दा रक्तनलीहरु पनि बलियो हुने हुन्छ ।
आउँ
सुख्खा आँपको पातलाई धुलो बनाई पानीसँग खानुहोस् । यसको प्रयोग दिनको ३ पटक गर्नुहोस् । यसले आउँलाई रोक्दछ । आँपको पातलाई बालेर खरानी बनाउनुहोस् । र यस खरानीलाई छालामा पोलेको ठाउँमा लगाउनुहोस् । यसले पोलेको दुखाईबाट आराम दिलाउँदछ ।
कान दुख्ने समस्या
यस समस्याको लागि आँपको पातको प्रयोग सजिलो तरिकाबाट गर्न सकिन्छ । सबैभन्दा पहिला आँपको पातको जुस बनाउनुहोस् । त्यसपछि एक चम्चा जुसलाई थोरै तताउनुहोस् । र चिसो भएपछि १–२ थोपा कानमा राख्नुहोस् । यसबाट कान दुख्ने समस्याबाट छुट्कारा मिल्दछ ।
