काठमाडौँ । मोदी इनर्जी लिमिटेडले आजदेखि सर्वसाधारणका लागि आइपीओ निष्कासन गर्ने भएको छ । कम्पनीले आयोजना प्रभावित स्थानीय र वैदेशिक रोजगारीमा रहेको नेपालीका लागि बाँडफाँट गरी सर्वसाधारणका लागि आइपीओ निष्कासन गर्न लागेको हो ।
कम्पनीले जारी पुँजी रु २ अर्ब ९० करोडको २५ प्रतिशत हुन आउने रु ७२ करोड ५० लाख बराबरको प्रतिशेयर रु एक सय अंकित मूल्यको ७२ लाख ५० हजार कित्ता साधारण सेयरमध्ये पुँजीको १० प्रतिशत अर्थात् २९ करोड रकम बराबरको २९ लाख कित्ता सेयर आयोजना प्रभावित पर्वत जिल्ला अन्तर्गत साविक दुर्लुङ गाविस हाल कुश्मा नगरपालिका वडा नं ३ ,साविक बाजुङ गाविस हाल मोदी नगरपालिका वडा नं ५, साविक देवपुर गाविस हाल मोदी नगरपालिका वडा न २, साविक तिलहार गाविस हाल मोदी गाउँपालिका वडा न ६ र साविक चुवा गाविस हाल कुश्मा नगरपालिका वडा नं ८ का बासिन्दाका लागि आइपीओ निष्कासन गरिसकेको छ ।
जसमा बाँकी रहेको १५ प्रतिशत अर्र्थात् रु ४३ करोड पचास लाख रकम बराबरको ४३ लाख ५०० हजार कित्ता शेयरमध्ये १० प्रतिशत अर्थात् ४ लाख ३५ हजार कित्ता वैदेशिक रोजगारीमा भएका नेपालीलाई, पाँच प्रतिशत सामूहिक लगानी कोष र २ प्रतिशत साधारण शेयर कम्पनीका कर्मचारीका लागि छुट्याइएको र बाँकी ३६ लाख १० हजार ५ सय कित्ता साधारण शेयर सर्वसाधारणका लागि निष्कासन गर्न लागिएको हो ।
