काठमाडौं । कर्णाली प्रदेशमा नेकपा (एमाले)को ह्वीप उल्ल्घंन गरेका ४ जना सांसदलाई सर्वोच्च अदालते जवाफसहित उपस्थित हुन आदेश गरेको छ ।
यसअघि एमाले दशौं महाधिवेशन आयोजक कमिटीले गरेको कारवाहीलाई अवैध ठहर गर्दै सर्वोच्चले ४ जनाको पुनर्वहाली गरेको थियो ।
पदमुक्त गरिएका सांसदलाई पुनर्वहाली गर्ने सर्वोच्च अदालतको आदेशविरुद्धको पुनरावलोकन (भ्याकेट) माथिको सुनुवाइपछि मंगलबार न्यायाधीशद्वय आनन्दमोहन भट्टराई र हरि फुँयालको संयुक्त इजलासले दुवै पक्षलाई छलफलमा बोलाउन आदेश दिएको हो ।
पार्टी अध्यक्ष केपी शर्मा ओली र कर्णाली प्रदेशसभा सचिवालयले सर्वोच्चमा छुट्टाछुट्टै भ्याकेट निवेदन दर्ता गराएका थिए ।
