काठमाडौँ । नेकपा एमालको प्रवक्ता प्रवक्ता तथा पूर्व मन्त्री प्रदिप ज्ञवालीले सर्वोच्च अदालतले आज दिएको फैसला अप्रत्यासित भएको बताएका छन् ।
उनले भने ‘यो फैसलाले देशको राष्ट्रिय राजनीतिलाई जटिलतातर्फ धकेलेको छ, यो असहज परिस्थिति हो ।’
पूर्व मन्त्री ज्ञवालीले अहिलेको अवस्थामा सरकारले आफ्नो मन्त्रिपरिषद गठन गर्न पाउने संसदीय अभ्यास र अधिकारमाथि सर्वोच्चले अंकुश लगाएको दाबी पनि गरे ।
सर्वोच्च अदालतले आज पछिल्लो मन्त्रिपरिषद विस्तारलाई बदर गरिदिएको थियो ।
वर्तमान काम चलाउ सरकारले विस्तार गरेको मन्त्रिपरिषद बदर गर्नुपर्ने मागसहित परेको रिटमा प्रधानन्यायाधीशकै इजलाशले आज अन्तरिम आदेश जारी गरी २० जना मन्त्रीहरुलाई पद मुक्त गरिदिएको थियो ।