काठमाडौं, । नेकपा (एमाले) का अध्यक्ष केपी शर्मा ओलीले अहिलेको १० दलीय गठबन्धन १० दलीय गठबन्धनका नेताहरु देश निमिट्यान्न पार्न तयार भएर बसेको आरोप लगाउनु भएको छ ।
आज कपिलवस्तुमा आयोजित पार्टीको कार्यक्रमलाई सम्बोधन गर्दै एमाले अध्यक्ष ओलीले पुतलीको लार्भाले रुखलाई निमिट्यान्न पारेझैं १० दलीय गठबन्धनका नेताहरु देश निमिट्यान्न पार्न तयार भएर बसेको आरोप लगाउनु भएको हो ।
उहाँले भन्नुभयो पुतलीको एउटा स्टेज हुन्छ, लार्भ स्टेज । रुखको पात निमिट्यान्नै पार्दिन्छ । तिनीहरुले त एउटा रुखको पात निमिट्यान्न पार्छन् । यिनीहरुले देशै खुइल्याएर छोड्ने भए । देशै निमिट्यान्न पार्ने भए । दशतिर फर्किएका दश वटा मुख हाउँहाउँ गरेर बसेका छन् । के खाउँ ? के खाउँ गरेर बसेका छन्,।’
अध्यक्ष ओलीले एमालेले हतार नगरी देशलाई यस्ता तत्वहरुबाट मुक्त गराउने बताउनु भयो । उहाँले भन्नुभयो ‘यस्ताहरुबाट देश मुक्त गराउनु छ एमालेले । हत्तार गर्न हुँदैन । हतारोले मात्रै हुँदैन । हामील गराउन सक्थ्यौं, साच्चै एमाले एमालेझैं भएर लागेको भए,।’
