काठमाडौँ । कोशी प्रदेशका मुख्यमन्त्री हिक्मतकुमार कार्की सवार गाडीमाथि तोडफोड प्रयास भएको छ ।
ओखलढुंगाको सिद्धचरण नगरपालिका ११ मिलन चोकमा मुख्यमन्त्री कार्की सवार सवारीमाथि तोडफोड प्रयास भएको हो ।
मुख्यमन्त्री कार्की सोही नगरपालिकाको वडा नम्बर २ मा आयोजित कार्यक्रमम सहभागि हुन जाने क्रममा पहिचान पक्षधरले सवारी रोकेर प्रदर्शन गरेको बताइएको छ ।
मुख्यमन्त्रीको सवारीमा कुनै किसिमको क्षति नपुगेको र आन्दोलनकारीले मुख्यमन्त्रीको सवारी रोकेर प्रदर्शन गर्न खोजेपछि प्रहरीले सामान्य बल प्रयोग गरेर आन्दोलनकारीलाई हटाएको प्रहरीले जनाएको छ ।
भूगोलको आधारमा प्रदेशको नाम कोशी प्रदेश राखेपछि पहिचान पक्षधरहरूको आन्दोलन जारी । सोही आन्दोलनका क्रममा सोमबार मुख्यमन्त्रीको सवारी तोडफोडको प्रयास भएको हो ।
