काठमाडौँ । राष्ट्रपति रामचन्द्र पौडेलले बिहीबार घरेलु मैदानमा यूएईलाई ९ रनले हराउँदै विश्वकप छनोटमा पुगेको नेपाली क्रिकेट टोलीलाई बधाई तथा शुभकामना दिन शीतलनिवासमा आमन्त्रण गर्नुभएको छ ।
क्रिकेट खेलाडीलाई शुक्रबार दिउँसो ३ बजे शीतलनिवास बोलाइएको राष्ट्रपति पौडेलको सचिवालयले जनाएको छ ।
यसअघि आजै प्रधानमन्त्री पुष्पकमल दाहाल प्रचण्डले विजेता क्रिकेट खेलाडीलाई बालुवाटार बोलाएर बधाइ तथा शुभकामना दिनुभएको थियो ।
प्रधानमन्त्रीले विश्वकप छनोटमा नेपाललाई सफलता दिलाउने खेलाडीलाई सरकारको तर्फबाट जनही ३ लाख दिने घोषणा समेत गर्नुभएको छ ।
