काठमाडौं । प्रमुख विपक्षी नेकपा (एमाले)का अध्यक्ष केपी शर्मा ओलीले संवैधानिक प्रबन्धको गलत ब्याख्या गरी एमालेलाई सरकारबाट बाहिर पुर्याएपछि समृद्ध नेपालः सुखी नेपालीको राष्ट्रिय आकांक्षा अवरुद्ध बनेको आरोप लगाएका छन् ।
प्रजातन्त्र दिवसको अवसरमा आज शुभकामना दिँदै पूर्वप्रधानमन्त्रीसमेत रहेका अध्यक्ष ओलीले यस्तो प्रतिक्रिया दिएका हुन् ।
शुभकामना सन्देशमा अध्यक्ष ओलीले भनेका छन्, ‘संबैधानिक प्रबन्धको गलत ब्याख्याद्वारा हामीलाई सरकारबाट बाहिर पुर्याएपछि अवरुद्ध हुन पुगेको समृद्ध नेपालः सुखी नेपालीको राष्ट्रिय आकांक्षा पूरा गर्ने हाम्रो अभियानलाई हामी अझ सवल रुपमा अगाडि बढाउन चाहन्छौं । नेकपा (एमाले) को यस अभियानमा सम्पुर्ण दिदीबहिनी दाजुभाइहरुको साथ रहने छ भन्ने मेरो बिश्वास छ ।'
