काठमाडौं । प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेकपा (एकीकृत समाजवादी) का अध्यक्ष माधवकुमार नेपाल र जनता समाजवादी पार्टी (जसपा) का अध्यक्ष उपेन्द्र यादवसँग भेटवार्ता गर्नुभएको छ ।
ललितपुरको हात्तीवनस्थित आफ्ना भान्जा गोकुल भण्डारीकाे निवासमा जारी भेटवार्तामा नेपाल र यादवलाई सरकारमा आउन प्रचण्डले आग्रह गर्नुभएको जनाईएको छ ।
संसद अधिवेशन सुरु भएपछि बिश्वासको मत लिने र मन्त्रिपरिषद विस्तार गर्ने तयारीमा रहनु भएका प्रधानमन्त्री दाहालले उहाँहरु संग छलफल गर्नुभएको हो । प्रचण्डलाई प्रधानमन्त्रीको रूपमा समर्थन गर्ने सात दलीय गठबन्धनमा जसपा पनि रहेको भने नेकपा एस पर्ख र हेरको रणनीतिमा रहेको छ ।
